कोण म्हणते…
कोण म्हणते, गेलात
तुम्ही?
वाडीच्या
घाटांवर
आजही, "बोट" माझे कोण धरतो आहे!
कोण म्हणते, गेलात
तुम्ही?
अंबेच्या मंदिरातून
आजही, "सांग गणेशाला" कोण मला सांगतो आहे!
कोण म्हणते, गेलात
तुम्ही?
समुद्रकिनारी आजही,
शिळ "वाऱ्याची" कोण मला शिकवीत आहे!
कोण म्हणते, गेलात
तुम्ही?
गड-किल्ल्यांना बिलगून
आजही, इतिहास कोण मला "ऐकवित" आहे!
कोण म्हणते, गेलात
तुम्ही?
कृष्णेच्या लाटांवर
आजही, "ॐ" ध्वनी निनादतो आहे!
कोण म्हणते, गेलात
तुम्ही?
औदुंबराशी आजही,
"सप्ताह" कुणाचा घडतो आहे!
कोण म्हणते, गेलात
तुम्ही?
"तुळापुर"
संगमात डोकावता मी आजही, "प्रतिबिंब" तुमचे दिसते आहे!
हिमांशु डबीर
२२-सप्टेंबर-२०१४
No comments:
Post a Comment